قريتـ بزافـ الطرقـ المختلفة و جمعت بيناتهمـ في هاد الوصفة , نتمنى تعجبكمـ 😇
حيتـ جاتـ رااائعة تباركـ الله 😍 بالذات لا كليتيها وهي باقا سخونة ..
📝 ندوزو للمقادير و الطريقة 📝
🔸مقادير العجينة :
دانون طبيعي مسوس + كاس ماء دافي + ربع كاس زيت + م.ك سنيدة + شوية الملح + 1 خمارة الحلوة + الدقيق حسبـ الخليطـ
🔸طريقة التحضير:
كنخلطو المواد كلها هي الاولى بدون دقيق حتى تندمج مع بعضياتها عاد نجمعو كولشي بالدقيق , ونغطيوها نخليوها ترتاح نص ساعة , من بعد كتقسميها كورات متوسطين الحجمـ و تخليهم يرتاحو شوية , من بعد كتسرحي كل وحدة بالمدلكـ و مايزينا (النشا) و تعمري كل وحدة بالحشوات بجوج و الفروماج , وتلويهم بحال الصور و تستفيهم في صينية مدهونة بالزيت و حتى تكمليهم كاملين ودهنيهم من الفوقـ بصفار بيضة و رشيهم بزنجلان و من بعد قطعيهم و دخليهم للفران
_________________
🔸الحشوة الأولى :
بصلة + 3 فصوص ثومة + الكفتة + فلفلة حمرا مقطعة شرائح رقاق + معدنوس+ البهارات ( ملح/كمون/بزار/خرقوم)
_________________
🔸الحشوة الثانية :
السبانخ + 2 مطيشات مقطعين ما طايبينش
الطريقة تشحري السبانخ بشوية زيت العود و تحطيهم و تزيدي عليهم مطيشة طازجة ماطيباش مع السبانخ حيت غتطيب لداخل في الفران
و مليحة و بزار
_________________
و بصحتكمـ و
تعليقات
إرسال تعليق