الطبثة الاولى: جنواز : 2 بيضات نصف كاس سنيدة فاني ملح و4 معالق دقيق ومعلقة كاكاو
نخلط العناصر مزيان حتى اتجانس الخليط عاد نزيد دقيق و الكاكاو ندخلها طيب 10 دقايق. منين ابرد نسقيوها بالماء ذايبة فيه نسكافي .
الطبقة الثانية: الطبقة المقرمشة: فويتيين والبراليني
فوتيين: بياض البيض زبدة سكر كلاصي دقيق نخليو الخليط جاري ونديرو طبقة رقييييقة فورق زبدة وندخلوه اطييب حتى اتحمر ونخرجوه
براليني كنحمرو اللوز وندوبو سكر حتى اصبح كراميل ونديرو عليه اللوز ونخليه اجمد حتى اصبح بحال نوكا ونظحنوه مزيان حتى اضبح بحال املو ونخلطوه مع فويتيين وندروه طبقة ثانية.
الطبقة الثالثة: كريمة الزبدة: نصف رابعة زبدة مع نصف كاس زيت ونخلط بالباتور مزيان حتى نحصل على كريمة ونزيد سكر كلاصي ونخلط مزيان ونزيد 2 دانيت ونخلط وندخلها ثلاجة ترتاح عاد نديرها فوق الطبقة الثانية.
الطبقة الرابعة: موس شكلاط: نطلع القشدة الطرية السائلة مزيان بالباتور وندوز نطلع 3 صفار البيض مع نص كاس سنيدة حتى اطلع مزيان ونزيد 2 معالق الما طايب ومنوقفش الخلط باش ميطيبش البيض وندوب 150غ شكلاط ونزيدها على البيضمع الخلط مزيان فالاخير نزيد الكريمة ونخلط غير بسباتول من الفوق لتحت وندخلها ثلاجة تشد راسها عاد نسرحها فوق الطبقة الثالثة.
كلاصاج: كاس حليب بارد مع 3 معالق كاكاو و4 معالق سنيدة ومعلقة كبيرة مايزينة ونخلطو بالفويي مزيان عاد نديرو فوق عافية مهيلة حتى طلع الغلية ونزولو ونخلط مزيان ونزيد 2 دانيت ونصفيه باش ميبقاش ليا مكركب نخليه ابرد شوية عاد نخويه فوق تارت وتزيين اختياري ونخليها ليلة كاملة فالثلاجة وبالصحة والراحة
تعليقات
إرسال تعليق